Protestat e Rikthyera në Egjipt Shkaktojnë 51 të Vrarë
Së paku 51 persona vdiqën në përleshjet në Egjipt, derisa dy fraksionet më të mëdha politike të vendit u mblodhën në përkujtimin e pjesëmarrjes së Egjiptit në luftën e vitit 1973 me Izraelin, ditë kjo me shumë rëndësi për shumë egjiptianë.
Të dyja palët, kundërshtarët dhe mbështetësit e presidentit të rrëzuar të vendit, Mohamed Morsi, u mblodhën gjoja për të shënuar 40 vjetorin e luftës së Yom Kippurit, e cila shihet se një fitore egjiptiane në Kajro, duke i dhene fund nje rruge qorre qe favoriznte Izraelin.
Si shenjë e dhunës së mundshme që mund të vijë, një aleancë duke përfshirë këtu Vëllazërinë Myslimane të Morsit, u ka bërë thirrje nga e marta egjiptianëve që të protestojnë dhe të mblidhen në Sheshin Tahrir të Kajros të premten, duke deklaruar se : Askush nuk do të na ndalojë nga Tahriri, s’ ka rëndësi se çfarë do të jenë sakrificat”.
Egjipti u kaplua nga trazirat që kur ushtria rrëzoi Morsin, më 3 korrik, pas protestave masive kundër sundimit të tij, duke bërë që Vëllazëria Myslimane e tij të demonstrojë në rrugë.
Më 14 gusht, autoritet ushtarake thyen mbështetjen e Mors-it në Kajro, që rezultoi me qindra të vdekur dhe më pas shpallën gjendjen e jashtëzakonshme, duke vendosur shtetrrethim. Shumë nga anëtarët e Vëllazërisë Myslimane u arrestuan që nga ajo kohë.
Në spitalin Ibn Sina të distriktit Mohandiseen në Kajro, një reporter i Reuters-it kishte parë tetë trupa të mbështjellë me çarçafë të kaltër dhe të bardhë mes “pishinave të gjakut”.
“ Ministria e Brendshme dhe ushtria vranë djalin tim”, bërtiste Sebah El-Sayed, nëna e Rami Imam-it, 29 vjeç, derisa përkëdhelte këmbën e tij. Babai i Rami-iut tha se djali i tij ishte duke u kthyer nga puna, derisa ishte përfshirë në përleshje.
Abdelrahman al-Tantaëi, një mjek i cili e solli Rami-iun në spital, tha se kishte parë policinë dhe ushtrinë duke qëlluar nga një urë, në drejtim të demonstruesve pro- Vëllazërisë Myslimane.
Autoritetet kishin paralajmëruar të shtunën se kushdo që proteston kundër ushtrisë gjatë ceremonisë për shënimin e përvjetorit të një sulmi mbi forcat izraelite gjatë luftës së 1973-ës, do të konsiderohet si agjent i ushtrive të huaja, e jo si një aktivist.
Ministria e Brendshme, e cila tha se kishte arrestuar 423 persona, përleshjet i konsideroi si një përpjekje nga ana e Vëllazërisë Myslimane që “ të prishin festimet dhe të shkaktojnë fërkime mes masave”. Shumë njerëz u raportuan të plagosur.
Në një fjalim gjatë ceremonisë së vonshme në mbrëmje, shefi i përgjithshëm i ushtrisë Abdel Fatah al- Sisi, njeriu që rrëzoi Mors-in ka thënë: “Ka shumë njerëz që mendojnë se ushtria e Egjiptit mund të thyhet. Ushtria e Egjiptit është si një piramidë, por është si një piramidë, sepse populli i Egjiptit e mbështet atë”.
Protestuesit ishin drejtuar drejt Sheshit Tahrir- në pikën e grumbullimit të kryengritjes popullore që përmbysi autokracinë e Hosni Mubarak-ut në vitin 2011, thanë burimet e sigurisë.
Shkrimi bazohet në raportimet e Reuters & The Guardian
