Dënohet Për Paraqitje të Rreme Si Punëtor i Gjykatës
10.4.2014 - 16:53
Është dënuar me burgim dhe gjobë Visar Krasniqi për veprën penale të mashtrimit.
Departamenti i Përgjithshëm i Gjykatës Themelore në Pejë të enjten mbajti seancën e shpalljes së aktgjykimit në këtë rast.
Gjyqtari Kreshnik Radoniqi pas shqyrtimit të provave nxorri përfundimin se Krasniqi është fajtor.
Ai u dënua me tetë muaj burg dhe 300 euro gjobë.
Sipas aktakuzës, tash i dënuari, duke u paraqitur rrejshëm si punëtor i gjykatës, u ofronte personave të ndryshëm nxjerrjen e certifikatës se ata nuk janë nën hetime për shumën prej 120 eurove.