Dy Papë Shenjtërohen Për Një Ditë
Papa Françesku tha se ata të dy do të kanonizohen pas aprovimit të mrekullisë së dytë që i atribuohet Papa Gjon Palit II, shkruan BBC-ja.
Gjon Pali nga Polonia, i lindur si Karol Vojtilla, ishte papa i parë joitalian për më shumë se 400 vjet. Ai udhëhoqi Kishën Katolike nga viti 1978 e deri më 2005.
Gjon Pali i dytë ishte i favorizuar nga katolikët konservativë, gjersa Gjoni i njëzetetretë ishte gjerësisht i admiruar nga krahu i progresistëve të Kishës.
BBC thekson se Gjon Pali ishte miqësor me media dhe kritikues i ashpër i komunizmit, duke inspiruar opozitën për rezistencë kundër regjimeve komuniste në Evropën Lindore.
Gjon Pali ishte në rrugë të shpejtë për shenjtërim që nga vdekja e tij, kur turmat thirrnin në Sheshin Shën Pjetri “santo subito” (“shenjtërim tani”).
Ai gjatë mandatit të tij në Papat kishte thjeshtësuar proceset për shenjtërimin e njerëzve, duke shpallur të shenjtë shumë prej tyre, më tepër se të gjithë papët së bashku.
Ndërsa, Gjon i 13-të mbahet në mend për futjen e gjuhës amtare për të zëvendësuar gjuhën Latine në meshat e kishës dhe për krijimin e marrëdhënieve më të ngrohta ndërmjet Kishës Katolike dhe besimit hebraik.
Shkrimi është bazuar në raportimin nga BBC-ja.