Kryeprokurori Lumezi i Pakënaqur me Luftën Kundër Korrupsionit
Në mbledhjen e KPK-së raportoi Laura Pula koordinatore nacionale në luftë kundër korrupsionit Pula raportoi për Planin e Veprimit për Rritjen e Efikasitetit të Sistemit Prokurorial në luftimin e korrupsionit dhe dukurive tjera negative që filloi së zbatuari në vitin 2013.
Ajo gjatë raportimit këtë plan veprimi e konsideroi të suksesshëm.
Por rezultate nga ky plan nuk pa kryeprokurori Aleksandër Lumezi.
“Unë nuk po shoh rezultate, ashtu siç thoni ju. Pse kemi lëndë të korrupsionit të parashkruar [vjetruar]. Pse kemi lëndë më shumë në vitin 2013?” tha Lumezi.
Për një lëndë të vjetruar korrupsioni në Gjykatën Themelore të Gjilanit “Drejtësia në Kosovë” bëri një hulumtim në majin e këtij viti.
Sipas Lumezit, lufta jo e efektshme kundër korrupsionit e pengon Kosovën edhe në procesin e liberalizimit të ligjeve.
Lumezi pas raportimit të koordinatores Pula sugjeroi që t’u rrihet gati dyshimeve për korrupsion që bëhen publike.
“Edhe lëndët e vjetra duhet me u kry, por jo me u dhanë prioritet. Prioritet duhet me u dhanë rasteve që bëhen publike dhe aty duhet me reagu shpejt,” deklaroi Lumezi.
